ललितपुरमा बिजुलीको पोल ढलेर लाग्दा एक जना पुरूषको मृत्यु भएको छ।
गोदावरी नगरपालिकास्थित ठैबमा विद्युत प्राधिकरणको बिजुलीको पोल विस्तार गर्ने क्रममा पोल ढलेर लाग्दा एक जनाको मृत्यु भएको जिल्ला प्रहरी परिसर काठमाडौंका एसएसपी श्यामकृष्ण अधिकारीले जानकारी दिए।
स्थानीय ५५ वर्षीय रमेश शाहीको टाउकोमा पोलले लागेको हो। पोलले लागेपछि गम्भीर घाइते भएका उनलाई अस्पताल लग्दै गर्दा मृत्यु भएको प्रहरीले जनाएको छ।
उक्त घटनापछि स्थानीयहरूले विरोध जनाएका हुन्।
त्यसपछि अहिले प्रहरी वृत्त सातदोबाटोमा ठेकेदार, आफन्त तथा स्थानीयबीच छलफल चलिरहेको छ।
