काठमाडौंको लाजिम्पाटमा भासिएको सडक पूर्ण रूपमा सञ्चालनमा आएको छ।
काठमाडौं महानगरपालिका-२ लाजिम्पाटस्थित सरकारीधाराबाट लाजिम्पाटतर्फ आउने मूल सडक छेउ अविरल वर्षाका कारणले खाल्डो भई भासिएपछि अवरूद्ध थियो।
सोमबार साँझ भासिएको सडक मंगलबार दिउँसो पौने ४ बजेदेखि पूर्ण सञ्चालनमा आएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
उनका अनुसार सडक भास्सिएको ठाउँमा कोण र डोरीले कर्डन गरेर राखिएको थियो।
'सडक अवरूद्ध भने भएको थिएन, छेउछाउबाट गइरहेका थिए। अहिले मर्मत गरेपछि पूर्ण रूपमा सञ्चालनमा आएको छ,' एसपी बोहराले भने।
-1746009348.jpg)
