तुइन खोलाको पहिरो पन्छाएपछि अवरूद्ध नारायणगढ–मुग्लिन सडक सञ्चालनमा आएको छ।
आइतबार बिहान करिब चार बजेतिर नारायणगढ–मुग्लिन सडक खण्डको तुइन पुल नजिकै माथिबाट ढुंगा सहितको पहिरो जाँदा दुवैतर्फी आवागमन बन्द भएको सडक डिभिजन भरतपुरले जानकारी दिएको छ।
सडक डिभिजनबाट दुईवटा यान्त्रिक उपकरणले पहिरो हटाइ बिहान ८ः१० बजे दुवैतर्फ सवारी आवागमन सञ्चालन भएको सडक सुपरभाइजर ईश्वर क्षेत्रीले जानकारी दिए।
मनसुन याम भएकाले नारायणगढ–मुग्लिन सडकमा पहिरोको जोखिम भने कायमै छ।
