नक्कली सुन देखाएर ठगेको आरोपमा एक जना पक्राउ परेका छन्।
सोलुखुम्बु दुधकुण्ड नगरपालिका-१ का ३३ वर्षीय लाक्पा शेर्पा पक्राउ परेका हुन्।
उनलाई काठमाडौं उपत्यका अपराध अनुसन्धान कार्यालयको टोलीले शुक्रबार (भदौं ६) काठमाडौं महानगरपालिका-२६ बाट पक्राउ गरेको हो।
उनलाई सुन जस्तो देखिने १ केजी पहेँलो धातुसहित नियन्त्रणमा लिइएको थियो। परीक्षण गर्दा सुन नभएको अपराध अनुसन्धान कार्यालयका एसपी अंगुर जिसीले जानकारी दिए।
'सुन भनेर विभिन्न व्यक्तिलाई झुक्काएर ठग्ने गरेको अनुसन्धानमा खुलेको छ,' एसपी जिसीले भने।
उनलाई कानुनबमोजिम कारबाही गर्न आइतबार जिल्ला प्रहरी परिसर काठमाडौं पठाइएको उनले जानकारी दिए।
-1702017839.jpg)
