किष्ट अस्पतालमा एक ८० वर्षीया आमाले छोरीको ज्यान बचाउन मिर्गौला दिएकी छन्।
म्याग्दीकी ८० वर्षीया गुमा भण्डारीले ५५ वर्षीया छोरी सीता पाण्डेलाई मिर्गौला दिएकी हुन्।
सीता लामो समयदेखि स्वास्थ्य समस्याबाट जुधिरहेकी थिइन्। जीवन सुरक्षित गर्न दाताबाट मिर्गौला प्रत्यारोपण आवश्यक रहेको अस्पतालले बताइरहेको थियो।
त्यस्तो अवस्थामा धेरै परिवारहरू विचलित हुन्थे। तर गुमाले कुनै पनि हिच्किचाहट नदेखाई मिर्गौला दिने निर्णय गरेको अस्पतालका चिफ अपरेटिङ अफिसर अमिस पाठकले जानकारी दिए।
'गुमाको निर्णयअनुसार अस्पतालले सफल प्रत्यारोपण मार्फत सीताले दोस्रो जीवन पाइन्,' अफिसर पाठकले भने, 'गुमा आमाको साहस उदाहरणीय र सम्मानयोग्य छ।'
वृद्धाअवस्थामा प्रायले राम्रोसँग हिँडडुल गर्न समेत सक्दैनन्। तर उनको हिम्मत र साहस देखेर अस्पतालको लागि पनि उदाहरण भनेको उनको भनाइ छ।
-1758694614.jpg)
-1746009348.jpg)
