नेपाली कांग्रेसका नेता दिव्यमणि राजभण्डारीले सरकारले सुरू गरेको भौतिक पूर्वाधार पुनर्निर्माण कोषमा ५१ लाख रूपैयाँ सहयोग गरेका छन्।
बुधबार नै सरकारको खातामा पैसा हालिदिएका उनले बिहीबार प्रधानमन्त्री सुशीला कार्कीलाई भेटेर जम्मा गरेको भौचर हस्तान्तरण गरेका हुन्।
भदौ २४ को आन्दोलन क्रममा तोडफोड र आगजनी भएका संरचना पुनर्निर्माणका लागि सरकारले कोष स्थापना गरेको हो।
राजभण्डारी २०७४ सालमा नेपाली कांग्रेसबाट प्रतिनिधिसभा सदस्य भएका थिए। त्यसअघि विभिन्न व्यवसायमा सक्रिय रहे पनि सांसद भएपछि आफूले प्रत्यक्ष व्यवसाय नगरेको उनी बताउँछन्।
यसअघि भूकम्प र कोभिड महामारीको समयमा पनि उनले आर्थिक सहयोग गरेका थिए।
राजभण्डारीले सरकारले सहयोग गर्न आह्वान गरेकाले अरूलाई पनि सहयोग गर्न अनुरोध गरेका छन्।
-1746009348.jpg)
