ललितपुरको युएन पार्कमा पाँच वटा सवारी साधन ठोक्किँदा एक जना स्कुटर चालकको मृत्यु भएको छ।
ललितपुर महानगरपालिका-१० बागमती करिडोरस्थित युएन पार्कमा बिहीबार दिउँसो पौने ४ बजेतिर दुर्घटनामा परेको हो।
काठमाडौं उपत्यका ट्राफिक प्रहरी कार्यालयका एसपी नरेशराज सुवेदीका अनुसार दुर्घटनामा घाइते भएका स्कुटर चालकको उपचारको क्रममा मृत्यु भएको हो।
मृतकको रौतहट गौरका अन्दाजी ४५ वर्षीय राजिबसिन्हा छन्।
कुपण्डोलबाट बा.प्र.०१-०२९ च ३८९६ न. निजी भ्यान युएन पुलतर्फ जाँदै थियो।
उक्त भ्यानले विपरीत दिशाबाट आउँदै गरेको बा.प्र.०१-०२२ च ००६१ नम्बरको कार, बा २ ज ४७६० नम्बरको कार र बा.प्र. ०१-०२९ च ८१४५ नम्बरको भ्यानलाई ठक्कर दिएको थियो।
त्यस्तै कुपण्डोलबाट युएन पुलतर्फ जाँदै गरेको बा ५१ प ९५६९ नम्बरको स्कुटरलाई पनि ठक्कर दिएको हो।
स्कुटर समेतलाई ठक्कर दिएपछि चालक सिन्हा गम्भीर घाइते भएका थिए।
उनको उपचारको लागि नर्भिक अस्पताल लगिएको थियो। त्यहाँ उपचारको क्रममा अपराह्न साढे ४ बजेतिर मृत्यु भएको हो।
प्रहरीले पाँच वटा सवारी साधन र भ्यान चालकलाई पनि नियन्त्रणमा लिएको छ।
-1763886130.jpeg)
-1746009348.jpg)
