उत्तर कोरियाले लामो दूरीको नयाँ प्रकारको मिसाइल परीक्षणको गरेको छ।
उत्तर कोरियाली नेता किमले उच्च-उचाइमा उडेर लामो दूरीमा प्रहार गर्ने सो मिसाइल परीक्षणको निरीक्षण गरेको सरकारी सञ्चार माध्यमले जनाएका छन्।
उनले आणविक शक्तिबाट चल्ने पनडुब्बी निर्माणको पनि अनुगमन गरेका छन्।
अमेरिकी आणविक पनडुब्बी दक्षिण कोरियाको बुसान बन्दरगाह आइपुगेको बेलामा किमले नयाँ मिसाइलको परीक्षण र आणविक शक्तिबाट चल्ने पनडुब्बी निर्माणको निरीक्षण गरेपछि कोरिया प्रायद्विपमा तनाव बढेको ब्लुमबर्गले जनाएको छ।
बुधबार गरिएको परीक्षणमा सो मिसाइलले २०० किलोमिटरको उचाइमा रहेको नक्कली लक्ष्यलाई सटिक रूपमा प्रहार गरेको कोरियन सेन्ट्रल न्यूज एजेन्सीले बिहीबार जनाएको छ। अर्को एक छुट्टै विज्ञप्तिमा एजेन्सीले दक्षिण कोरियाको जलक्षेत्रमा अमेरिकाको आणविक शक्ति प्रदर्शनको जवाफमा प्रतिकारात्मक कदमहरू चाल्ने प्रतिबद्धता पनि व्यक्त गरेको छ।
सैन्य स्रोतलाई उद्धृत गर्दै दक्षिण कोरियाली सञ्चार माध्यमले जनाए अनुसार सो अमेरिकी पनडुब्बी आवश्यक सामग्री सकिएपछि जोहो गर्न बुसान पुगेको हो। दक्षिण कोरियालाई आणविक शक्ति सञ्चालित पनडुब्बी निर्माण गर्न दिने अमेरिकासँग औपचारिक सम्झौता हुने भएपछि यो कदम चालिएको हो।
(विभिन्न अन्तर्राष्ट्रिय सञ्चार माध्यमहरूको सहयोगमा तयार पारिएको)
-1746009348.jpg)
