नेपाल पर्यटन बोर्डमा ड्रोनबाट खिचिएका तस्बिरहरूको प्रदर्शनी भइरहेको छ।
फोटो पत्रकार नवीनबाबु गुरूङको एकल ड्रोन फोटो प्रदर्शनी शुक्रबारदेखि पर्यटन बोर्डमा भइरहेको छ।
नेपालको विभिन्न भू–भागमा रहेका पर्यटकीय सम्भावना बोकेका तर चर्चामा नआएका गाउँ–बस्ती, प्राकृतिक दृश्य तथा मौलिक चाडपर्वहरू झल्किने तस्बिरहरू राखिएको छ।
नेपाल पर्यटन बोर्डसँगको सहकार्यमा पिजे क्लब नेपाल र तमु सञ्चारकर्मी संघ नेपालले यो प्रदर्शनीको आयोजना गरेका हुन्।
नेपालमा ड्रोन प्रविधिबाट खिचिएका तस्बिरहरूको यस्तो प्रदर्शनी पनि पहिलो पटक आयोजना हुन लागेको आयोजकको दाबी छ।
फोटो प्रदर्शनीको आज अन्तिम दिन हो।
हालसम्म उल्लेख्य संख्यामा मानिसहरूले अवलोकन गरेको फोटो पत्रकार गुरूङले बताएका छन्।
बोर्डले पनि आइतबार अन्तिम दिन भएकाले अवलोकनमा सहभागी हुन अनुरोध गरेको छ।
-1756794700.JPG)
-1746009348.jpg)
