कैलालीमा एक महिला मृत भेटिएको ४ दिनसम्म पनि उनको पहिचान खुल्न सकेको छैन।
मोहन्याल गाउँपालिका–१, तल्लोपानीस्थित नवप्रगतिशील सामुदायिक वनमा शनिबार दिउँसो अनुहार जलाएको अवस्थामा महिलाको शव फेला परेको थियो।
वनभित्र अन्दाजी ३० वर्षीया ती युवतीको हत्यापछि अनुहार जलाइएको हुन सक्ने प्रहरीको आशंका छ।
जिल्ला प्रहरी प्रवक्ता डिएसपी योगेन्द्र तिमिस्सिनाका अनुसार शव फेला परेको चार दिनसम्म पनि पहिचान खुल्न नसकेको हुँदा पहिचानका लागि प्रहरीले सार्वजनिक सूचना जारी गरेको बताए ।
प्रहरीका अनुसार मृतकले गुलाबी पिंक रङको स्वीटर, कालो फर्मल पाइन्ट, सेतोमा धर्सा भएको मोजा लगाएकी थिइन्।
कैलालीका प्रहरी प्रमुख, प्रहरी उपरीक्षक एसपी नरेन्द्र चन्दका अनुसार पोष्टमर्टम रिपोर्ट आउन बाँकी छ। हत्यापछि पहिचान लुकाउन अनुहार जलाएर जंगलमा शव फालेको हुन सक्ने आशंका रहेको एसपी चन्दले बताए ।
यो घटना अनुसन्धानका लागि सुदरपश्चिम प्रहरी कार्यालय, जिल्ला प्रहरी कार्यायका साथै इलाका प्रहरी कार्यालय सुखडबाट प्रहरीको विषेश टोली खटिएको छ। पहिचान खुली नसकेको हुँदा चार दिनदेखि शव अस्पतालमै राखिएको छ।
-1746009348.jpg)
