बैतडीमा गएराति एउटा बोलेरो जिप दुर्घटनामा परी एक जनाको मृत्यु भएको छ।
दुर्घटनामा परी जिपका चालक शिवनाथ गाउँपालिका–२ पचरबेउका २६ वर्षीय केशव सिंह धामीको घटनास्थलमै मृत्यु भएको हो।
बैतडीका प्रहरी निरीक्षक सुरज सिंहका अनुसार अस्पताल पुर्याउना साथ सिंहलाई चिकित्सकले मृत घोषणा गरेका थिए।
सुप ०४–००१ ज ००६९ नम्बरको जिप शिवनाथ गाउँपालिका–३ बछलादेखि पचरबेउ जाने क्रममा शुक्रबार राति करिब ११ बजेतिर दुर्घटना परेको प्रहरी निरीक्षक सिंहले बताए।
प्रहरीका अनुसार जिप सडकबाट झन्डै दुई सय मिटर तल खसेको छ।
जिपमा चालक सिंह एक्लै सवार थिए। दुर्घटना बारे अनुसन्धान भइरहेको प्रहरीले जनाएको छ। पोस्टमार्टमको लागि शव केशरपुर प्राथमिक स्वास्थ्य केन्द्र मेलौलीमा राखिएको छ।
-1746009348.jpg)
