काठमाडौंमा पेस्तोल र लागुऔषधसहित २ जनालाई पक्राउ परेका छन्।
लागुऔषध नियन्त्रण ब्युरोले काठमाडौंको चाबाहिलबाट पेस्तोल र लागुऔषधसहित शुक्रबार दुई जनालाई पक्राउ गरेको हो।
पक्राउ पर्नेमा तनहुँको बन्दिपुर गाउँपालिका-४ घर भई काठमाडौं बुढानिलकण्ठ नगरपालिका-४ बस्ने ५३ वर्षीय टकबहादुर गुरूङ र बन्दिपुर गाउँपालिका-७ घर भई टोखा नगरपालिका-८ बस्ने ७० वर्षीय दिलबहादुर गुरूङ छन्।
उनीहरूको साथबाट ९ एमएम पेस्तोल एक थान र लागुऔषध एम्फेटामाईन ३०१.४९० ग्राम बरामद भएको लागुऔषध नियन्त्रण ब्युरोका प्रहरी उपरीक्षक दुर्गाराज रेग्मीले जानकारी दिए।
उनका अनुसार दिलबहादुर गुरूङ २०७२ माघ १९ गते लागु औषध चरेश मुद्दामा पक्राउ परी ४ वर्ष कैद र ८० हजार जरिवाना भुक्तानी गरेर छुटेका थिए।
उनीहरू विरूद्ध लागुऔषध कसुरमा जिल्ला अदालत काठमाडौंबाट ७ दिन म्याद थप गरेर अनुसन्धान भइरहेको छ।
-1746009348.jpg)
