जल तथा मौसम विज्ञान विभाग, मौसम पूर्वानुमान महाशाखाले निर्वाचनको दिन पानी नपर्ने प्रक्षेपण गरेको छ। बुधबार निर्वाचन विशेष बुलेटिन अद्यावधिक गर्दै महाशाले निर्वाचनको दिन हिमाली, पहाडी तथा तराईका भूभागमा बादल लागे पनि पानी नपर्ने जनाएको हो।
महाशाखाका अनुसार निर्वाचनका दिन कोशी प्रदेशको हिमाली भूभागमा आंशिक बादल लाग्ने छ। पहाडमा पनि आंशिक बादल लाग्ने छ। तराईमा मुख्यतया सफा रहने छ। मधेसमा पनि मौसम मुख्यतया सफा रहनेछ।
बागमतीको हिमाली भेगमा आंशिक बदली, पहाडीमा पनि सोही मौसमी अवस्था रहने छ भने तराई भेगमा मुख्यतया सफा रहने छ।
गण्डकीको हिमाली र पहाडी भेगमा कतैकतै बादल लाग्नेछ भने तराई भेगको मौसम मुख्यतया सफा रहनेछ।
लुम्बिनी हिमाली र पहाडी भेगमा कतैकतै बदली र तराईमा मुख्यतया सफा रहने पूर्वानुमान महाशाखाले बताएको छ।
कर्णाली र सुदूरपश्चिम भेगमा सबैजसो स्थानमा मौसम मुख्यतया सफा रहने पूर्वानुमान छ।
हेर्नुहोस् तीन दिनको मौसमी जानकारी–
-1741832051.jpg)
