ट्रकको ठक्करबाट घाइते भएका इन्स्पेक्टरको उपचारको क्रममा मृत्यु भएको छ।
काठमाडौं उपत्यका ट्राफिक प्रहरी कार्यालयमा कार्यरत ३२ वर्षीय इन्स्पेक्टर अभय लामाको मृत्यु भएको हो।
बा प्र ०२-०२९ प ९४१५ नम्बरको मोटरसाइकल चलाइरहँदा बा प्र ०३-००१ ख १७१५ नम्बरको ट्रकले आइतबार राति ठक्कर दिएको थियो।
उपचारको क्रममा बीएण्डबी अस्पतालमा मंगलबार मृत्यु भएको उपत्यका ट्राफिक प्रहरी कार्यालयका एसपी नरेशराज सुवेदीले जानकारी दिए।
लामा काठमाडौं उपत्यका ट्राफिक प्रहरी कार्यालयको मानव स्रोत व्यवस्थापन शाखामा कार्यरत थिए।
रामेछाप घर भएका उनी तार्केश्वर नगरपालिका-७ मा बस्दै आएका थिए।
-1746009348.jpg)
