तनहुँको आँबुखैरनी गाउँपालिका–१ बरादीस्थित अकला मन्दिर नजिक मर्स्याङ्दी नदीको ड्याममा नुहाउने क्रममा एक जना पुरूष बेपत्ता भएका छन्।
स्थानीय टिका मगर (ढल्के) भनेर चिनिने ती पुरूष नुहाउने क्रममा बेपत्ता भएको जिल्ला प्रहरी कार्यालय तनहुँले जनाएको छ।
घटनापछि सशस्त्र प्रहरी बल नेपालको टोली तत्कालै खोजी कार्यमा खटिएको छ।
भानुस्थित सशस्त्र प्रहरीको टोलीले आज पनि निरन्तर खोजी कार्य गरिरहेको छ।
जिल्ला प्रहरी कार्यालय तनहुँका प्रहरी नायब उपरीक्षक श्रवणकुमार विकका अनुसार हालसम्म बेपत्ता व्यक्ति फेला परेका छैनन्।
घटनाबारे थप विवरण आउन बाँकी रहेको प्रहरीले जनाएको छ।
-1746009348.jpg)
