कीर्तिपुर होल्डिङ सेन्टरमा हल्लाखल्ला छ।
होल्डिङ सेन्टरमा आश्रित मानिसहरूलाई खाना खुवाउने टोली राति नै भाँडाकुँडा बोकेर हिँडेपछि बिहान त्यहाँ हल्लाखल्ला भएको हो।
आश्रित मानिसहरूलाई बिहान बेलुकी चिया नास्ता र खाना खुवाउन त्यहीँ मेस चलाइएको थियो। त्यसको जिम्मा काठमाडौं महानगरले लिएको थियो।
राति नै उनीहरू भाँडाकुडा बोकेर हिँडेपछि होल्डिङ सेन्टरमा आश्रित सुकुम्बासीहरूले बिहानदेखि पानीसम्म पिउन पाएका छैनन्।
बालबालिकाहरू विद्यालय जान पाएका छैनन्।
खाना-पानीको बन्दोबस्त गरिरहेको टोली हिँडेपछि त्यहीँका केही व्यक्तिले आफ्नै खर्चबाट बिस्कुट दिएका थिए।
'हिँजोसम्म खाना खुवाइएको थियो। आज बिहानदेखि त पानी छैन, खानाको के कुरा। बिहान कालो चिया खुवाउँथ्यो थियो त्यो पनि बन्द छ। बच्चाहरू भोकभोकै छन्,' त्यहाँ बस्दै आएका रवानी अन्सारीले भने।
बालबच्चा यतिबेलासम्म भोकभोकै परेपछि होल्डिङ सेन्टरका सुकुम्बासीहरू आक्रोशित सुनिएका छन्।
'हाम्रो बास उठाएर यहाँ ल्याएर राख्यो। १५ दिनमै व्यवस्थापन हुन्छ भनेर अहिलेसम्म केही टुंगो छैन। सरकारले चाहिँ जिम्मा लिनुपर्दैन आफ्नो नागरिकको,' एक महिला भनिरिहेकी थिइन्।
वस्तीबाट होल्डिङ सेन्टरमा सरेपछि काम पनि नपाइएकाले आफैले खाने कुराको बन्दोबस्त गर्न नसकिएको अन्सारी बताउँछन्।
तस्बिरहरूः
-ink-1781498435.jpeg)
-ink-1781498435.jpeg)
-ink-1781498435.jpeg)
-ink-1781498435.jpeg)
-ink-1781498435.jpeg)
-ink-1781498435.jpeg)
-ink-1781498434.jpeg)
-ink-1781498434.jpeg)
-ink-1781498434.jpeg)
-ink-1781498434.jpeg)
-ink-1781498434.jpeg)
-ink-1781498434.jpeg)