ललितपुरमा एक जना युवतीमाथि अश्लिल हर्कत गरेर पक्राउ परेका पुरूष धरौटीमा छुटेका छन्।
इमाडोलमा बाटो हिँड्दै गरेकी युवतीलाई पिछा गरी अश्लिल हर्कत गरेको आरोपमा प्रहरीले ५५ वर्षीय सुरेन्द्र भट्टलाई पक्राउ गरेको थियो।
उनी २० हजार धरौटीमा छुटेको जिल्ला प्रहरी परिसर ललितपुरका एसपी गौतम मिश्रले जानकारी दिए।
भट्ट बैतडी घर भई इमाडोल क्षेत्रमा बस्दै आएका थिए।
घटना असार २१ गतेको हो। पीडित युवतीले उक्त घटनाको भिडिओ समेत बनाएकी थिइन्।
भिडिओ बनाएर उनले सामाजिक सञ्जालमा हालेकी थिइन्। उक्त भिडिओ बाहिरिएपछि प्रहरीले उनलाई खोजी गरी नियन्त्रणमा लिएको थियो।
पक्राउ परेका व्यक्ति शिक्षा क्षेत्रमा कार्यरत सरकारी कर्मचारी समेत हुन्। प्रहरीका अनुसार उनी रक्षा मन्त्रालयका शिक्षा अधिकृत हुन्।
