आइसिसी टी-२० विश्वकप २०२६ को सुपर-८ मा लगातार दोस्रो जित निकाल्दै इंग्ल्यान्ड सेमिफाइनलमा पुगेको छ।
मंगलबार भएको खेलमा इंग्ल्यान्डले पाकिस्तानलाई २ विकेटले हरायो। पाकिस्तानले दिएको १६५ रनको लक्ष्य इंग्ल्यान्डले कप्तान ह्यारी ब्रुकको शतकमा ८ विकेट क्षतिमा पाँच खेल खेल्न बाँकी छदा पूरा गर्यो।
ह्यारी ब्रुकको ऐतिहासिक शतक
१. कप्तानका रूपमा रेकर्ड : ह्यारी ब्रुक पुरुष टी-२० विश्वकपमा शतक प्रहार गर्ने विश्वकै पहिलो कप्तान बनेका छन्। यसअघि सन् २०१० मा क्रिस गेलले भारतविरुद्ध बनाएको ९८ रन नै कप्तानको रूपमा उच्च स्कोर थियो।
२. इंग्ल्यान्डका लागि कीर्तिमान : ब्रुक टी-२० अन्तर्राष्ट्रिय क्रिकेटमा शतक बनाउने इंग्ल्यान्डका पहिलो कप्तान हुन्। उनले इओइन मोर्गनको ९१ रनको रेकर्ड तोडेका हुन्।
३. तेस्रो खेलाडी : टी-२० विश्वकपमा इंग्ल्यान्डका लागि शतक बनाउने उनी तेस्रो खेलाडी हुन्। उनीभन्दा अघि एलेक्स हेल्स र जोस बटलरले मात्र यो उपलब्धि हासिल गरेका थिए।
४. पाकिस्तानविरुद्ध पहिलो: टी-२० विश्वकपको इतिहासमा पाकिस्तानविरुद्ध शतक प्रहार गर्ने ब्रुक पहिलो ब्याटर हुन्।
५. तीव्र शतक: उनले ५० बलमा शतक पूरा गरे, जुन टी-२० विश्वकप इतिहासकै दोस्रो छिटो शतक हो (क्रिस गेलको ४७ बलपछिको)।
६. तीनै फर्म्याटमा शतक: ब्रुक क्रिकेटका तीनै फर्म्याट (टेस्ट, एकदिवसीय र टी-२०) मा शतक बनाउने तेस्रो बेलायती खेलाडी बनेका छन्। उनीअघि डविड मलान र जोस बटलरले मात्र यस्तो गरेका थिए।
इंग्ल्यान्ड टोलीको सफलता
• लगातार सेमिफाइनल: इंग्ल्यान्ड लगातार ५ वटा टी-२० विश्वकप (२०१६, २०२१, २०२२, २०२४ र २०२६) को सेमिफाइनलमा पुग्ने पहिलो टोली बनेको छ। यसअघि पाकिस्तान र श्रीलङ्का लगातार ४ पटक पुगेका थिए।
• पाकिस्तानमाथि दबदबा: टी-२० विश्वकपमा इंग्ल्यान्ड र पाकिस्तानबीच भएका चारै खेलमा इंग्ल्यान्ड विजयी भएको छ। साथै, पाकिस्तानविरुद्ध इंग्ल्यान्डको यो लगातार छैटौँ जित हो।
ब्याटिङ क्रमको जादु
• आफ्नो ६० खेलको करियरमा ब्रुक पहिलो पटक चौथो नम्बरभन्दा माथि ब्याटिङ गर्न आएका थिए। पहिलो पटक टप-थ्री (सुरुवाती तीन ब्याटर) मा ब्याटिङ गर्दा नै उनले शतक प्रहार गरे। यस्तो गर्ने उनी विश्वकै सातौँ खेलाडी हुन्।
• पाकिस्तानविरुद्ध ब्रुकको रेकर्ड निकै राम्रो छ। उनले पाकिस्तानविरुद्ध १० खेलमा ६२ को औसत र १५९ को स्ट्राइक रेटले ३७६ रन बनाएका छन्।
शाहिन शाह अफ्रिदीको बलिङ रेकर्ड
• शाहिनले टी-२० विश्वकपको पावरप्ले (सुरुवाती ६ ओभर) मा सबैभन्दा धेरै १८ विकेट लिने रेकर्ड बनाएका छन्।
• समग्र टी-२० क्रिकेटमा पावरप्लेमा ६० विकेट लिँदै उनी टिम साउथी र पवनदीप सिंहपछिको तेस्रो स्थानमा छन्।
• शाहिनले खेलको पहिलो ओभरमै विकेट लिने कलामा पनि रेकर्ड बनाएका छन्। उनले टी-२० विश्वकपमा पहिलो ओभरमै ८ विकेट लिएका छन्, जुन एन्जेलो म्याथ्युजसँगको बराबरी हो।
-1746009348.jpg)
