ओमानसँगको पहिलो खेलमा नेपालको ‘ए’ राष्ट्रिय क्रिकेट टोली पराजित भएको छ। माथिल्लो मुलपानी क्रिकेट मैदानमा बुधबार भएको खेलमा नेपालको ए टोलीमाथि ७० रनको जित निकालेको हो।
ओमानले दिएको २८१ रनको लक्ष्य पछ्याएको नेपाल ४४.४ ओभरमा २१० रनमा अलआउट भयो।
नेपालका लागि कप्तान अनिलकुमार साहले ५० रन, इशान पाण्डेले ५२ रन, तितराज दासले ३१ रन र देव खनालले ४३ बनाए।
यी शीर्ष चार ब्याटर बाहेक नेपालको मध्यक्रम चल्न सकेन। नेपालले पछिल्ला ६ विकेट २२ रन बनाउँदा गुमाएको थियो।
बलिङमा ओमानका शकील अहमदले ३ विकेट लिए भने नदीम खान र मुजिबुर अलीले २-२ विकेट लिए।
त्यसअघि टस जितेको ओमानले ब्याटिङ रोज्दै ५० ओभरमा ८ विकेटको क्षतिमा २८० रन बनायो। उसका लागि ओपनर जतिन्दर सिंहले ५८ रन र मुजिबुर अलीले ७२ रन बनाए। हैदर दाफेदरले ४६ रनको योगदान गरे।
बलिङमा नेपालका आकाश चन्दले ४ विकेट लिए भने सन्तोष यादवले २ विकेट हात पारे।
अब नेपालले शुक्रबार ओमानसँग दोस्रो खेल खेल्नेछ।
