आइसिसी विश्वकप क्रिकेट लिग-२ अन्तर्गत युएईविरूद्ध नेपालले २०१ रनको लक्ष्य प्रस्तुत गरेको छ।
त्रिवि मैदान कीर्तिपुरमा जारी खेलमा नेपालले ४८.२ ओभरमा अल आउट हुँदै २०० रन बनाएको हो।
नेपालका लागि उपकप्तान दीपेन्द्रसिंह ऐरीले उत्कृष्ट प्रदर्शन गरे।
उनले ९० बल खेलेर ७५ रन बनाए। त्यस क्रममा ५ चौका र २ छक्का प्रहार गरे।
कुशल भुर्तेलले २५ बल खेलेर २४ रन बनाए। करण केसीले २२, बसिर अहमदले २० तथा आरिफ शेख र सोमपाल कामीले १५/१५ रन बनाए भने भीम सार्कीले १० रन मात्रै बनाए।
कप्तान रोहित २ रनमै आउट भएका थिए।
बलिङतर्फ युएईका जुनेद सिद्धिकी र अजय कुमार ३/३ विकेट लिए। खुजाइमा तनवीरले २ तथा हैदर अली र मोहम्मद शाहदादले एक-एक विकेट लिए।
