आइपिएल २०२६ मा रोयल च्यालेन्जर्स बेंगलुरुविरुद्धको खेलमा दिल्ली क्यापिटल्सले निकै खराब प्रदर्शन गर्यो।
दिल्लीले मात्र ८ रन जोड्दा आफ्ना सुरुवाती ६ विकेट गुमाएको थियो। यो आइपिएल इतिहासमा ६ विकेट झर्दाको सबैभन्दा न्यून स्कोर हो।
यसअघि सन् २०११ मा डेक्कन चार्जर्स विरुद्ध कोची टस्कर्स केरलाको ११ रनमा ६ विकेट झरेको थियो।
३.५ ओभरमै खेल खत्तम!
दिल्लीले मात्र २.४ ओभरमा ५ विकेट र ३.५ ओभरमा ६ विकेट गुमाएको थियो। आइपिएलको इतिहासमा यति छिटो ६ विकेट झरेको यो पहिलो पटक हो। दिल्लीको माथिल्लो क्रमका ६ ब्याटरले जम्मा ७ रन मात्र जोड्न सके।
पावरप्लेकै सबैभन्दा कम स्कोर
दिल्लीले सुरुवाती ६ ओभर (पावरप्ले) मा मात्र १३ रन बनाएर ६ विकेट गुमायो। यो आइपिएल इतिहासकै पावरप्लेको सबैभन्दा कम स्कोर हो। यसअघि राजस्थान रोयल्सको १४ रनको रेकर्ड थियो।
विराट कोहलीको ऐतिहासिक सफलता
यही खेलमार्फत विराट कोहली आईपीएलमा ९००० रन पूरा गर्ने पहिलो खेलाडी बनेका छन्। उनको अहिले ९०१२ रन पुगेको छ। उनीपछि रोहित शर्मा (७१८३ रन) मात्र ७००० भन्दा बढी रन बनाउने अर्का खेलाडी हुन्।
आरसिबीको सहज र छिटो जित
दिल्लीले दिएको ७६ रनको सामान्य लक्ष्य आरसिबीले ८१ बल बाँकी छँदै पूरा गर्यो। बलको आधारमा यो आईपीएलकै दोस्रो ठूलो जित हो। यो पूरै खेल जम्मा १३८ बलमा सकिएको थियो, जुन आइपिएल इतिहासको दोस्रो सबैभन्दा छोटो खेल हो।
अन्य रोचक तथ्यहरू
दिल्लीको खराब रेकर्ड: दिल्ली आइपिएलमा १०० रनभन्दा कममा आउट भएको यो ११ औँ पटक हो, जुन कुनै पनि टोलीको लागि सबैभन्दा धेरै हो।
आरसिबीको घातक बलिङ: विपक्षी टोलीलाई १०० रनभन्दा कममा अलआउट गर्ने मामलामा आरसिबी (८ पटक) सबैभन्दा अगाडि पुगेको छ।
न्यूनतम स्कोर: दिल्लीले बनाएको ७५ रन उसको आईपीएल इतिहासकै तेस्रो कम स्कोर हो।
