आइसिसी विश्वकप लिग-२ अन्तर्गत नेपाल र युएईबीच आज कीर्तिपुरस्थित त्रिवि मैदानमा खेल हुँदैछ। कीर्तिपुरस्थित त्रिवि मैदानमा नेपालले टस जितेर ब्याटिङ रोजेको छ।
नेपाली टोलीमा अर्जुन कुमालले डेब्यू गर्ने भएका छन्। ओमान समेत सम्मलिनत यो त्रिकोणात्मक सिरिजमा सुरुवाती दुई खेलमा अर्जुनले स्थान पाएका थिएनन्।
यस्तै आज विनोद भण्डारीले पनि खेल्दैछन्।
नेपाली टोलीमा आज करण केसी छैनन् भने कुशल भुर्तेल र आसिफ शेखको स्थानमा अर्जुन कुमाल र विनोद भण्डारी छन्। यस्तै नन्दन यदावले पनि करण केसीको स्थानमा खेल्दैछन्। बसिर अहमद टोली नहुँदा ललित राजवंशी पनि आज टोलीमा छन्।
नेपाली टोली
अर्जुन कुमाल, विनोद भण्डारी (विकेटकिपर), भीम सार्की, रोहितकुमार पौडेल (कप्तान), दीपेन्द्रसिंह ऐरी, आरिफ शेख, गुल्सन झा, सोमपाल कामी, नन्दन यादव, सन्दीप लामिछाने, ललित राजवंशी
सिरिजमा नेपालले दुई खेल खेल्दा पहिलो खेलमा युएईलाई हराएको थियो। ओमानसँगको खेल भने नेपालले गुमाएको थियो। ओमान र युएईले पनि दुई दुई खेल खेल्दा एक एक खेलमा जित र एक एक खेलमा हार ब्यहोरेका छन्।
यसपटकको लिग-२ मा नेपालको प्रदर्शन राम्रो छैन। सहभागी आठ टोलीमध्ये नेपाल २२ खेलबाट १४ अंक जोड्दै पुछारबाट दोस्रो अथवा सातौं स्थानमा छ। पुछारको युएईको १२ अंक छ।
ओमान भने राम्रो स्थितिमा छ। ओमान २६ खेलबाट ३१ अंक जोडेर तेस्रो स्थानमा छ।
