एफए कपको सेमिफाइनलमा पुग्ने चार वटै टिमको टुंगो लागेको छ। म्यानचेस्टर सिटी, म्यानचेस्टर युनाइटेड, चेल्सी र आर्सनलले सेमिफाइनलमा स्थान पक्का गरे।
आइतबार अबेर राति म्यानचेस्टर सिटीले न्युकासललाई २-० ले पराजित गर्दै अन्तिम चारमा स्थान पक्का गर्यो। उसका लागि डे ब्रुनाले ३७ मिनेटमा पेनाल्टीमार्फत पहिलो गोल गर्दा रहिम स्टर्लिङले ६८ मिनेटमा अग्रता दोब्बर पारे।
यस्तै लेस्टर सिटीमाथि १-० को जित निकालेर चेल्सी पनि अन्तिम चारमा पुग्यो।
आर्सनलले सेफिल्ड युनाइटेडलाई २-१ र म्यानचेस्टर युनाइटेडले पनि नर्विच सिटीलाई २-१ गोलले नै पराजित गर्दै सेमिफाइनलमा स्थान बनाए।
कपको सेमिफाइनलको ड्र पनि आइतबार नै गरिएको छ।
अब अन्तिम चारमा म्यानचेस्टर युनाइटेड र चेल्सीबीच प्रतिस्पर्धा हुनेछ भने म्यानचेस्टर सिटीले आर्सनलसँग भिड्नेछ। दुवै सेमिफाइनल १८ जुलाईमा हुनेछ। फाइनल प्रतिस्पर्धा १ अगस्टमा हुनेछ।
