म्यानचेस्टर सिटीले इंग्लिस फुटबल लिग (इएफएल) कपको उपाधि जितेको छ।
आइतबार राति भएको उपाधि भिडन्तमा सिटीले टोटेनहमलाई पराजित गर्दै उपाधि जितेको हो। सिटीले १-० गोलको जित निकाल्यो।
पहिलो हाफ गोलरहित बराबरीमा सकिएको खेलको ८२ मिनेटमा सिटीले खेलमा अग्रता लियो।
सिटीका लागि लापोर्टेले गोल गरे। उनलाई गोल गर्न केभिन डि ब्रुइनले पास उपलब्ध गराएका थिए।
सिटीले आठौं पटक लिग कपको उपाधि जितेको हो।
जससँगै उसले सर्वाधिक उपाधि जित्ने लिभरपुलको कीर्तिमानसँग बराबरी गर्यो।
