सिद्धार्थ बैंक नेपाल प्रिमियर लिग (एनपिएल) को ओटिटी पार्टनरको रूपमा डिस होम गो चयन भएको छ।
अनलाइल एपमार्फत् एनपिएल हेर्नका लागि डिस होमलाई अधिकार बेचिएको हो। यो अधिकार नेपालसहित विश्वभरका देशका लागि हो। तर भारतमा भने यो अधिकार नबेचिएकाले त्यहाँ यो एपबाट एनपिएल हेर्न पाइनेछैन। यस्तै यसपटक युट्युबमार्फत भने एनपिएल हेर्न पाइनेछैन।
डिस होम गोका अनुसार एक सिजनको एनपिएलका लागि नेपालमा रहेका दर्शकले ३ सय रूपैयाँ तिर्न पर्नेछ। मध्यपूर्णका देशका लागि ५ सय रूपैयाँ र विश्वका अरू देशका लागि १० अमेरिकी डलर तिरेपछि एक सिजनका सबै खेल हेर्न पाइनेछ।
खेलहरु मोबाइल वा टेलिभिजनबाट हेर्न सकिनेछ। तर एक डिभाइस मात्र सपोर्ट गर्नेछ।
यसका लागि सुरूमा डिस हो गोको एप डाउनलोड गरेर माइ प्लनमा गएर एनपिएल सिजन पास खरिद गर्न सकिन्छ। खरिद गर्नका लागि खल्ती वा इसेवाबाट रकम तिर्न सकिनेछ।
सिजनको नेपाल प्रिमियर लिग मंसिर १ देखि सुरू हुँदैछ। आठ फ्रेञ्चाइज टोलीबीच हुने प्रतिस्पर्धामा समूह चरणका २८, प्लेअफका तीन र फाइनल गरी ३२ खेल हुनेछन्। खेलहरु कीर्तिपुरस्थित त्रिवि मैदानमा हुनेछन्। ३२ मध्ये २३ खेल फ्लडलाइट हुने खेल तालिका छ।
-1746009348.jpg)
