सिद्धार्थ बैंक नेपाल प्रिमियर लिग (एनपिएल) अन्तर्गत शुक्रबार सुदूरपश्चिम रोयल्सले पोखरा एभेन्जर्सविरूद्ध उत्कृष्ट सुरुवात गरेको छ।
टस जितेको पोखराले फिल्डिङ रोजेपछि पहिले ब्याटिङ गरेको सुदुरपश्चिमले १० ओभरको समाप्तिमा ९९ रन पूरा गरेको थियो।
सुदूरपश्चिमका अस्ट्रेलियन ओपनर जोस ब्राउनले ३५ बलमा ६ चौका र ५ छक्का प्रहार गर्दै ६८ रन जोडेका छन्। उनी ११औं ओभरको दोस्रो बलमा आउट हुँदा सुदूरपश्चमले १०८ रन जोडेको थियो। उनी पोखराका जिमी निशमको बलमा किरण ठगुन्नाबाट क्याच भए। उनले विनोद भण्डारीसँग १०८ रनको ओपनिङ साझेदारी गरे।
भण्डारीले ३१ बलमा ५ चौकाको मद्दतमा ३१ रन प्रहार गरेका छन्।
खेलमा पोखराले दुई परिवर्तन गरेको छ। तृतराज दास र माट टेलरको स्थानमा विपिन खत्री र सुमित बर्मा छन्। सुदूरपश्चिमको कुनै परिवर्तन गरिएको छैन।
पोखरा एभेन्जर्स
कुशल भुर्तेल (कप्तान), दिनेश खरेल, किरण ठगुन्ना, सागर ढकाल, अभिषेक तिवारी,आकाश चन्द, विपिन खत्री, सुमित बर्मा, एडम रोसिङटन, ड्यानियल डाउथवेट, जिमी निशम।
सुदूरपश्चिम रोयल्स:
दीपेन्द्रसिंह ऐरी (कप्तान), आरिफ शेख, अभिनास बोहरा, नरेन साउद, इशान पाण्डे, बिनोद भण्डारी, हेमन्त धामी, क्रिस लिन, स्कट कुगेलेइन, जोस ब्राउन, हरमीत सिंह
-1746009348.jpg)
