सिद्धार्थ बैंक नेपाल प्रिमियर लिग (एनपिएल) को शनिबारको दोस्रो खेलमा विराटनगर किंग्सले काठमान्डु गुर्खाजलाई १३४ रनमा रोकेको छ।
कीर्तिपुरस्थित त्रिवि क्रिकेट मैदानमा टस जितेको विराटनगरले फिल्डिङ रोजेपछि पहिले ब्याटिङ गरेको काठमान्डुका लागि आदिल अन्सारीले २५ बलमा नटआउट ४८ रन जोडे। जसका कारण काठमान्डुले ६ विकेटको क्षतिमा १३४ रनको सम्मानजनक स्कोर खडा गरेको हो।
खराब ब्याटिङ गरेको काठमान्डुका लागि तीन पटक जीवनदान पाएका अन्सारीले २४ बलमा ४ चौका र २ छक्का प्रहार गरे।
ओपनर आकाश त्रिपाठी पहिलो ओभरमै शून्य रनमा मार्स्याङ डि लाङको बलमा क्याच भए। त्यसपछि रिकार्डो भास्कोनसेलोन्स ३ रनमा रनआउटको सिकार बने।
प्रतिक श्रेष्ठ पनि २ रनमा आउट भएपछि काठमान्डुले पाँच ओभरभित्रै तीन विकेट गुमायो भने १३ रनमा मात्र जोड्न सके। पावरप्लेमा डि लाङले दुई विकेट लिए।
त्यसपछि दबाबमा परेको काठमान्डुका इरासमसले १८ बलमा १० रन मात्र जोड्न सके। उनी नवौं ओभरमा सूर्य तामाङबाट क्याट एन्ड बल्ड भए।
सम्हालिएर ब्याटिङ गरेका ओपनिङ ब्याटर बेन चार्ल्सवेथले ३३ बलमा १ चौका र २ छक्काको मद्दतमा ३२ रन बनाए। सन्तोष यादवले २४ बलमा २६ रनको योगदान गरेका थिए।
बलिङमा डिङ लाङले २ विकेट लिए भने शुभम रन्जने, सूर्य तामाङ र कप्तान सन्दीप लामिछानेले १-१ विकेट हात पारे।
काठमान्डुले अघिल्ला दुईमध्ये एक खेलमा जित निकालेको थियो। विराटनगर पहिलो खेलमा विजयी भएको थियो।
काठमाडौं गोर्खाज
करण केसी (कप्तान), शहाब अलाम, प्रतिश श्रेष्ठ, रशिद खान, सन्तोष यादव, आकाश त्रिपाठी, आदिल अन्सारी, वेन चार्ल्सवेथ, रिकार्डो भास्कोनसेलोन्स, गेरार्ल्ड इरासमस, जोन सिमसन।
विराटनगर किंग्स
सन्दीप लामिछाने (कप्तान), प्रतिश जिसी, लोकेश बम, बसिर अहमद, सूर्य तामाङ, नरेश भट्ट, नारायण जोशी, शुभम रन्जने, जर्स मुन्से, मर्टिन गप्टिल, मार्साङ डि लाङ।
-1746009348.jpg)
