कप्तान सन्दीप लामिछानेले उत्कृष्ट बलिङमा गरेपछि विराटनगर किंग्सले सिद्धार्थ बैंक नेपाल प्रिमियर लिग (एनपिएल) मा लगातार तेस्रो खेलमा जित निकालेको छ।
अंक तालिकाको शीर्ष स्थानमा पुगेको विराटनगरले सोमबार कीर्तिपुरस्थित त्रिवि मैदानमा साविक विजेता जनकपुर बोल्टलाई ९ रनले पराजित गरेको हो।
जनकपुर भने लगातार दोस्रो खेलमा पराजित भयो। यसअघि पहिलो खेलमा साविक विजेता जनकपुरमाथि काठमान्डु गोर्खाजले जित निकालेको थियो। विराटनगरले पहिलो खेलमा पोखरा एजेन्जर्स र दोस्रो खेलमा काठमाडौंलाई पराजित गरेको थियो।
विराटनगरलाई रोमाञ्चक जित दिलाउने क्रममा सन्दीपले चार विकेट लिए। उनले कुनै चौका र छक्का दिएनन् भने ११ खर्चिए। उनले आफ्नो स्पेलमा १५ बल डट फ्याँक्दा विराटनगर धरासायी भयो।
जनकपुरले १३६ रनको सामान्य लक्ष्य भए पनि ९ विकेटको क्षतिमा १२६ रन मात्र बनाउन सक्यो।
खराब सुरूवात गरेको जनकपुरका ओनपिङ ब्याटर आसिफ शेख तेस्रो ओभरमा सूर्य तामाङबाट बोल्ड भए। कप्तान अनिलकुमार साहलाई सातौ ओभरमा विराटनगरका कप्तान सन्दीप लामिछानेले जर्ज मुन्सीबाट ४ रनमा क्याच गराए।
ओपरन लाहिरू मिलिन्था पनि २३ रनमा सन्दीपबाट बोल्ड भएपछि जनकपुर दबाबमा आयो। लाहिरू आउट हुँदा उसले ८.२ ओभरमा ३ विकेटको क्षतिमा ४६ रन मात्र जोडेको थियो।
सूर्यले व्यक्तिगत दोस्रो विकेट लिने क्रममा सन्जय कृष्णमूतिलाई २० रनमा आउट गरे। मयन यावद ४ रनमा शुभम रन्जनेको बलमा क्याच भए।
१८औं ओभरको दोस्रो र तेस्रो बलमा सन्दीपले लगातार विकेट लिएर विराटनगरलाई जित नजिक पुर्याए। दोस्रो बलमा रुपेश सिंह विकेटकिपर लोकेश बमबाट समातिदा तेस्रो बलमा संगित कोरी विकेट पछाडि क्याच भए। अर्को ओभरमा आदित्य महतालाई मर्स्याङ डि लाङले एलबिडब्लूको धरापमा पारे।
अन्तिम ओभरमा जनकपुरका लागि सर्वाधिक रन स्कोर रहेका यान निकोल लोफ्टी इटन रनआउट भए। उनले ३० बलमा ४ चौका र १ छक्काको मद्दतमा ४१ रन बनाए।
बलिङमा विराटनगरका सन्दीपले ४ विकेट र सूर्य तामाङले २ विकेट लिए। शुभम रन्जने र मर्स्याङ डि लाङले १-१ हात पारे।
टस जितेको जनकपुरले फिल्डिङ रोजेपछि पहिले ब्याटिङ गरेको विराटनगरले ७ विकेटको क्षतिमा १३५ रन जोड्न सक्यो। कुनै ब्याटर पनि अर्धशतक प्रहार गर्न नसकेको विराटनगरका लागि शुभन रन्जनेले सबैभन्दा बढी ३७ रन बनाए।
ओपनिङ ब्याटर जर्ज मुन्से तेस्रो ओभरमा १० रन बनाएर खेलिरहदा संगित कोरीबाट बोल्ड भए।
त्यसपछि मार्टिन गुप्टिल पनि चल्न सकेनन्। उनले आठौं ओभरमा आउट हुनुअघि १५ बलमा १ चौकाको मद्दतमा १३ रन मात्र जोड्न सके।
लोकेश बम २६ बलमा २८ रन जोडे। बाउन्ड्रीमा क्याच भएका उनले २६ बलमा १ चौका र २ छक्का प्रहार गरे।
बसिर अहदमले ३६ रन बनाए। १८औं ओभर रुपेश सिंहबाट बोल्ड हुनुअघि उनले ३५ बलमा ३ छक्का प्रहार गरे। उनले शुभम रन्जनेसँग चौथो विकेटका लागि ५२ रनको साझेदारी गरे। नारायण जोशी पनि २ रनमा रुपेश सिंहकै बलमा क्याच भए।
अन्तिम ओभरको दोस्रो बलमा शुभम रन्जने ३७ रनमा रनआउट हुनु पुगे । उनले २९ बलमा २चौका र २ छक्का प्रहार गरे। लगत्तैको बलमा मर्स्याङ डि लाङ पनि रननआउट नै भएका थिए।
बलिङमा जनकपुरका रुपेश सिंह र संगित कोरीले २-२ विकेट लिए।
-1763886130.jpeg)
-1746009348.jpg)
