सिद्धार्थ बैंक नेपाल प्रिमियर लिग (एनपिएल) मा शुक्रबारको पहिलो खेलमा काठमान्डु गोर्खाजले जोन सिमसनको अर्धशतकको मद्दतमा चितवन राइनोजलाई १४३ रनको लक्ष्य दिएको छ।
कीर्तिपुरस्थित त्रिवि मैदानमा टस जितेको चितवनले फिल्डिङ रोजेपछि पहिले ब्याटिङ गरेको काठमान्डु १९.४ ओभरमा १४२ रनमै अलआउट भयो।
काठमान्डुका ओपनरद्वय वेन चार्ल्सवर्थ १३ र आकाश त्रिपाठी ४ रनमा आउट भए। त्रिपाठी दोस्रो ओभरमा रनआउट भएका थिए भने चार्ल्सवर्थलाई चौथो ओभरमा सोहेल तन्विरले रवी बोपाराबाट क्याच गराए। त्यसअघि रशिन खान तेस्रो ओभरमा आउट भएका थिए। उनलाई रञ्जित कुमारले ६ रनमा बोपाराबाटै क्याच गराएका थिए।
त्यसपछि जोन सिमसन र मिलिन्द कुमारबीच तेस्रो विकेटका लागि ९८ रनको साझेदारी भयो। बोपारबाट १६औं ओभरको अन्तिम बलमा बोल्ड भएका मिलिन्दले ४३ बलमा ५ चौकाको मद्दतमा ३८ रन जोडे।
अर्को ओभरमा सिमसन ६० रनमा पेभिलियन फर्के। सिमसनले २९ बलमा ३ चौका र ५ छक्का प्रहार गरेका थिए।
१८औं ओभरमा काठमान्डुले तीन विकेट गुमाउन पुग्यो। दोस्रो बल वाइड हुँदा पनि इरासमस स्टमपिन हुन पुगे। चौथो बलमा तन्विरले आदिल अन्सारीलाई ८ रनमा बोल्ड गरे। अन्तिम बलमा सन्तोष यादव तन्विरबाट कट एन्ड बाउन्ड भए। अर्को ओभरको पहिलो बलमा काठमाडौंले आफ्नो नवौं विकेट गुमायो। कप्तान करण केसीलाई रञ्जित कुमारले बाउन्ड्रीमा कमलसिंह ऐरीबाट क्याच गराए।
६ बलको अन्तरमा ४ विकेट गुमाएको काठमान्डु समान्य स्कोरमा रोकियो। यस्तै उनले पछिल्लो २३ बलको अन्तरमा ६ विकेट गुमाएको थियो।
बलिङमा तन्विरले ४ विकेट लिए। उनले ४ ओभरमा २५ रन खर्चिए। रञ्जित कुमारको नाममा २ विकेट रह्यो। उनले ४ ओभरमा २८ रन दिए। कमलसिंह ऐरीले पनि २ विकेट लिए। उनले २.४ ओभरमा १९ रन खर्चिए।
दुवै टोलीले अहिलेसम्म दुई दुई खेलमा निकालेका छन्। चितवनले तीन खेल खेल्दा काठमान्डुले भने चार खेल खेलिसकेको छ।
चितवनले आजको खेलमा एक परिवर्तन गरेको छ। रिजन ढकाल आज टोलीमा फर्किएका छन्। आज अमरसिंह रौटेला टोलीमा छैनन्।
चितवन राइनोज
कुशल मल्ल (कप्तान), रन्जित कुमार, देव खनाल, अर्जुन साउद (विकेटकिपर), रिजन ढकाल, दीपक बोहरा, कमलसिंह ऐरी, डबिड मलान, रवी बोपरा, सइफ जइब, सोहेल तन्विर।
काठमान्डु गोर्खाज
करण केसी (कप्तान), शहाब अलाम, दिपेश कडँले, रशिद खान, सन्तोष यादव, आकाश त्रिपाठी, आदिल अन्सारी, वेन चार्ल्सवेथ, मिलिन्द कुमार, गेरार्ल्ड इरासमस, जोन सिमसन।
-1756446574.jpg)
-1746009348.jpg)
