सिद्धार्थ बैंक नेपाल प्रिमियर लिग (एनपिएल) मा पोखरा एभेन्जर्सका कप्तान कुशल भुर्तेल लगातार दोस्रो खेलमा गोल्डेन डक आउट भएका छन्।
शनिबार दिनको पहिलो खेलमा लुम्बिनी लायन्सले टस जितेर फिल्डिङ रोजेपछि पहिले ब्याटिङ गरेको पोखराले तेस्रो ओभरको पाँचौ बलमा ओपनर दिनेश खरेललाई ७ रनमा गुमाएको थियो।
उनी लुम्बिनीका स्पिनर शेर मल्लको बलमा रोहितकुमार पौडेलबाट क्याच भए। त्यसपछि क्रिजमा आएका कुशल मल्लको एलबिडब्लूको धरापमा परेसँगै लगातार दोस्रो खेलमा गोल्डेन डक भएका हुन्।
जनकपुर बोल्ट्सविरूद्धको अघिल्लो खेलमा कुशल गोल्डेन डक भएका थिए।
राष्ट्रिय टोलीका ओपनिर समेत रहेका भुर्तेललाई सो खेलमा जनकपुरका सञ्जय कृष्णमूर्तिले पहिलो बलमै बोल्ड गरेका थिए।
त्यसअघि भने उनले लगातार दुई खेलमा अर्धशतक प्रहार गरेका थिए।
उनले विराटनगर किंग्सविरूद्धको पहिलो खेलमा ५९ रन र सुदूरपश्चिमविरूद्धको दोस्रो खेलमा ५३ रन बनाएका थिए।
-1756446574.jpg)
-1746009348.jpg)
