सिद्धार्थ बैंक नेपाल प्रिमियर लिग (एनपिएल) अन्तर्गत आइतबार खेलमा कर्णाली याक्सले काठमान्डु गोर्खाजविरूद्ध टस जितेको छ।
कीर्तिपुरस्थित त्रिवि मैदानमा टस जितेको कर्णालीले ब्याटिङ रोजेको छ। चार खेलेको कर्णालीले एक खेलमा मात्र जित निकालेको छ।
काठमान्डुले भने पाँच खेलमा तीन खेलमा जित हात पारेको छ। त्यसैले आजको खेल दुवै टोलीका लागि महत्वपूर्ण छ। काठमान्डुले जित निकाले प्लेअफ सम्भावना बलियो हुनेछ। कर्णालीका लागि प्लेअफ दौडमा रहिरहन आजको खेल जित्नु पर्छ।
आजको खेलमा कर्णालीले विराटनगर किंग्सविरूद्ध खेलेको टोली नै परिवर्तन गरेको छैन।
काठमान्डुका आज दिपेश कँडेलको स्थानमा भीम सार्कीलाई खेलाएको छ।
काठमान्डु गोर्खाज
करण केसी (कप्तान), शहाब अलाम, भीम सार्की, रशिद खान, सन्तोष यादव, आकाश त्रिपाठी, आदिल अन्सारी, वेन चार्ल्सवेथ, मिलिन्द कुमार, गेरार्ल्ड इरासमस, जोन सिमसन।
कर्णाली याक्स
सोमपाल कामी, दिपक डुम्रे (विकेटकिपर), विपिन प्रसाद शर्मा, नन्दन यादव, पवन सर्राफ, युवराज खत्री, गुल्सन झा, मार्क वाट, विल बोसिस्टो, नजिबउल्लाह जर्दान र प्रियांक पञ्चाल
-1746009348.jpg)
