सिद्धार्थ बैंक नेपाल प्रिमियर लिग (एनपिएल) अन्तर्गत मंगलबार दिनको दोस्रो खेलमा कर्णाली याक्सले पोखरा एभेन्जर्सविरूद्ध टस जितेको छ।
कीर्तिपुरस्थित त्रिवि मैदानमा कर्णालीले बलिङ रोजेको छ। प्लेअफमा पुग्नका लागि दुवै टोलीलाई जितको आवश्यकता छ।
दुवैले एक एक खेल जितेका छन्। यद्यपी कर्णालीले एक खेल बढी खेलेको छ। त्यसैले आजको खेलमा हार ब्यहोरे कर्णाली अन्तिम खेलअघि बाहिरनेछ। यता पोखराले आजको खेलमा पराजय भोगेको लगभग बाहिरनेछ। अहिलेसम्म कर्णालीले पाँच र पोखराले चार खेल खेलेका छन्।
खेलका लागि कर्णाली तीन खेलाडी परिवर्तन गरेको छ। दिपक डुम्रे, युवराज खत्री र विल बोसिस्टो टोलीमा छैनन्। आज दिपेन्द्र रावत, युनिस ठकुरी र जयकिशन कोल्सवाला खेल्दैछन्।
पोखरामा भने पाँच खेलाडी परिवर्तन गरिएको छ। जिमी निशम युएईको आइएलटी-२० खेल्न फर्किएका छन् भने दिनेश खरेल, अभिषेक तिवारी, सुमित बर्मा र माट टेलर टोलीमा छैनन्। आज आकाश चन्द, सन्दीप केसी, जासन रोय, ऋषि धवन र धनञ्जय लक्षन खेल्दैछन्।
कर्णाली याक्स
सोमपाल कामी (कप्तान), दिपेन्द्र रावत, विपिन प्रसाद शर्मा, नन्दन यादव, पवन सर्राफ, युनिस ठकुरी, गुल्सन झा, मार्क वाट, जयनकिश कोल्सावाल (विकेटकिपर), नजिबउल्लाह जर्दान र प्रियांक पञ्चाल
पोखरा एभेन्जर्स
कुशल भुर्तेल (कप्तान), सन्दीप केसी, किरण ठगुन्ना, सागर ढकाल, तृतराज दास, आकाश चन्द, विपिन खत्री, ऋषि धवन, एडम रोसिङटन (विकेटकिपर), धनञ्जय लक्षन्, जासन रोय।
-1746009348.jpg)
