नेपाल क्रिकेट संघ (क्यान) ले नेपाल प्रिमियर लिग (एनपिएल) को तेस्रो संस्करणको मिति सार्वजनिक गरेको छ।
क्यानका अनुसार आगामी सन् २०२६ को एनपिएल कात्तिक ९ देखि मंसिर ५ गतेसम्म सञ्चालन गर्ने जानकारी दिएको हो ।
क्यानका सचिव पारस खड्काद्वारा जारी विज्ञप्तिमा प्रतियोगिता अक्टोबर २६ मा सुरु भई नोभेम्बर २१ सम्म चल्ने उल्लेख छ ।
यसपटक एनपिएलको समय तालिका नेपालीहरूको महान चाड दशैं र तिहारको बीचमा परेको छ। विशेषगरी तिहारको समयमा खेलहरू हुने भए पनि तिहारका मुख्य दुई दिन भने खेल स्थगित गरिने क्यानको तयारी छ ।
यसअघिका संस्करणहरू तिहारपछि अर्थात् मंसिर महिनामा आयोजना हुने गरेका थिए। प्रतियोगिताका लागि खेलाडीहरूको अक्सन सम्पन्न भइसकेको छ भने सहभागी टोलीहरूले विदेशी खेलाडीहरू अनुबन्ध गर्ने प्रक्रियालाई तीव्र बनाएका छन्।
क्यानले मिति तोके तापनि विस्तृत खेल तालिका भने केही समयपछि सार्वजनिक गर्ने जनाएको छ ।
