सिद्धार्थ बैंक नेपाल प्रिमियर लिग (एनपिएल)मा आज एलिमिनेटर खेल हुँदैछ।
लिगको अंक तालिकामा तेस्रो र चौथो स्थानमा रहेका टोलीले आज एलिमिनेटर खेल्नेछन्।
त्रिवि मैदानमा साँझ ५ बजे काठमाडौं गोर्खाज् र चितवन राइनोज् आमनेसामने हुँदैछन्।
लिग चरणको खेलमा काठमाडौंले चितवनलाई १० रनले पराजित गरेको थियो। त्यतिबेला काठमाडौंले चितवनविरूद्ध १८० रन बनाएको थियो।
आज लिग चरणको हारको बदला लिने अवसर चितवनलाई रहनेछ।
एलिमिनेटर खेलको विजेता टोलीले दोस्रो क्वालिफायर खेल्नेछ। पराजित टोली भने घर फर्कनेछ।
मंगलबार भएको पहिलो क्वालिफायरमा लुम्बिनी लायन्स सुदूरपश्चिम रोयल्सलाई हराउँदै फाइनल प्रवेश गरिसकेको छ।
आज हुने एलिमिनेटरको विजेताले दोस्रो क्वालिफायरमा सुदूरपश्चिम रोयल्ससँग खेल्नेछ।
दोस्रो क्वालिफायरको विजेताले मंसिर ५ गते लुम्बिनीसँग उपाधिका लागि भिड्नेछ।