असोज ५ गतेको रिलिज मिति नजिकिदैं गर्दा ‘बाँध मायाले’ एक लाख पुरस्कार को घोषणा गर्दै कभर भिडियो प्रतियोगिता गर्ने भएको छ ।
सिनेमाको सार्वजनिक ‘आउने जाने…….’ बोलको गीतको कभर भिडियोका लागि प्रतियोगिताको घोषणा गरिएको निर्देशक सबिर श्रेष्ठले जानकारी दिएका छन्।
श्रेष्ठका अनुसार कभर भिडियो असोज पाँच गतेसम्म पठाइसक्नुपर्नेछ। विजेताको घोषणा असोज ८ मा गरिनेछ।
सो गीतमा संगीतकार अर्जुन पोखरेलको संगीत रहेको छ। गीतमा लोकराज अधिकारी शब्द तथा सुरेश लामा, दुर्गा खरेलको साथमा ध्रुव विस्कोको स्वर छ ।
एक्सन लभ स्टोरी सिनेमा ‘बाँध मायाले’मा आर्यनको अपोजिटमा पुर्व मिस नेपाल तथा नायिका सृष्टि श्रेष्ठ प्रस्तुत भएकी छिन् । साथमा राजाराम पौडेल किशोर खड्का, रविन्द्र प्रताप सेन र विशाल चाम्लिंगको अभिनय रहेको छ ।
