रावणको स्तुतिगान गाइएको गीत सार्वजनिक भएको छ।
गीत मनिष वशिष्टको शब्दमा तयार पारिएको हो। गीतमा मनिष वशिष्ठ र सजन न्यौपानेको स्वर तथा संगीत रहेको छ।
बुधबार काठमाडौंमा एक कार्यक्रमको आयोजना गरी रावण गीतको सार्वजनिक गरिएको हो। ‘रावण मा धार्मिकग्रन्थमा उल्लेख भएअनुसार लंकाका राजा रावणको तारिफ गर्दै तयार पारिएको हो।
रावणलाई आमजनमानसमा नकारात्मक पक्षको मात्रै जानकारी दिइएको कारण उनीलाई नकारात्मक दृष्टिले हेर्ने गरिन्छ। तर यस गीतमा रावण भित्रका सकारात्मक पक्षको चित्रण गीतमा गरिएको छ।
अहो रूपमहो धैर्हमहोत्सवमहो द्युतिः।
अहो राक्षसराजस्य सर्वलक्षणयुक्तता।।
अर्थात्, रावणलाई देख्नासाथ राम मुग्ध भए र भने, ‘रूप, सौन्दर्य, धैर्य, कान्तिले सर्वलक्षणयुक्त हुँदा हुँदै पनि यदि रावण भित्र अधर्म बलवान हुँदैन थियो भने उनी देवलोकको पनि स्वामी बन्ने थिए सायद।’
यही श्लोकमा रहेर रचनाकार वशिष्ठले तयार गरेको गीतको कलात्मक भिडियो पनि सार्वजनिक गरिएको छ।
गीतको भिडियो गम्भीर बिष्टको निर्देशनमा तयार पारिएको हो। नवराज उप्रेतीको सिनेम्याटोग्राफी, नविन निरौलाको सम्पादनमा तयार भिडियोमा कलाकार गजित बिष्टको अभिनय रहेको छ।
