नवराज पराजुलीले नयाँ कविता सार्वजनिक गरेका छन्। उनले आफ्नै युट्युब च्यानल 'नवराज पराजुली' मार्फत कविता 'चक्का' सार्वजनिक गरेका हुन्।
किरण भुषालको संगीत रहेको गीतमा स्वर रिदम कंडेलको रहेको छ भने शब्द नवराज पराजुलीको रहेको छ।
भिडिओमा प्रेमले एउटा व्यक्तिको साँघुरिएको जीवनलाई कति बिस्तार गर्न सक्छ भन्ने विम्व प्रस्तुत गरिएको छ। भावना उप्रेती र नवराज पराजुलीको अभिनय रहेको गीतको भिडिओलाई पराजुली आफैले निर्देशन गरेका हुन्।
सौरभ लामिछानेले छायांकन गरेको भिडिओलाई रोशन पौडेलले सम्पादन गरेका छन्।
