फिल्म 'राम नाम सत्य' को पहिलो गीत 'धागोले बाटेको' सार्वजनिक भएको छ।
निर्माण पक्षले आइतबार बाबुल गिरी र रचना रिमालको स्वर रहेको गीत सार्वजनिक गरेको हो। यसको भिडिओमा फिल्मका शीर्ष कलाकार अभिनेता विराज भट्ट र अभिनेत्री सुपुष्पा भट्ट फिचर्ड छन्। गीतले मायाप्रेमको कुरा गर्छ।
यसको भिडिओका कोरियोग्राफर सियोन श्रेष्ठ हुन्। गीतको शब्द डा डीआर उपाध्यायको हो भने संगीत गायक बाबुल स्वयंको छ।
माइकल इन्टरटेन्मेन्ट हाउसको प्रस्तुति रहेको 'राम नाम सत्य' नयाँ वर्षको अवसर पारेर चैत २७ गतेदेखि प्रदर्शनमा आउने तालिका छ। माइकल चन्दको निर्देशनमा बनेको फिल्ममा विराज र सुपुष्पाका साथमा सुशील क्षेष्ठ, दिव्या रायमाझी, आयुष सिंह ठकुरीलगायत कलाकारहरूको अभिनय छ।
उपेन्द्र शाही र श्वेता बिमली फिल्मको निर्माता हुन्। एक्सन, लभ र सस्पेन्स कथामा फिल्म बनेको छ।
यस्तो छ 'धागोले बाटेको' गीत
-1746009348.jpg)
