रंगहरुको पर्व भनेर चिनिने होलीको उमंग शुरु भएको छ।
हिन्दु धर्मावलम्बीले विशेष पर्वको रूपमा मनाइने होलीको पूर्वसन्ध्यामा काठमाडौँमा नायक अरूण क्षेत्री र नायिका सुभेक्षा खड्काले होली मनाएका छन्।
प्रेमा चलचित्र अभिनित यो जोडीले काठमाडौँको युएन पार्कमा शनिबार एक अर्कामा रंगहरु दलेर होलीको शुरूआत गरेका हुन्।
नेपालीहरूले विशेष हर्षोल्लासका साथ सोमबार पहाडी भेगमा र मंगलबार तराईमा होली मनाउँदै छन्।
आफ्ना पुराना रिसराग नराम्रा कुरा बिर्सिएर नेपालीले दुई दिनसम्म होली पर्व मनाउने गर्छन्।
होलीको अवसरमा विभिन्न समूह संघ संस्था तथा आफन्त साथीभाइले आ-आफ्नो तरिकाले भेटघाट गरेर पनि होली मनाउने गरेका छन्।
हेर्नुहोस् तस्बिरहरू
प्रकाशित मिति: आइतबार, फागुन २१, २०७९, ०८:२४:००
