सानिमा बैंक र आइएमएस ग्रुपबीच बैंकका ग्राहकहरुलाई विभिन्न सामान खरिद गर्दा छुट प्रदान गर्ने सम्झौता भएको छ।
सम्झौता अनुसार बैंकका ग्राहकहरुले आइएमएस ग्रुपको काठमाडौं कमलपोखरीस्थित सिटी सेन्टर र दरबारमार्गस्थित वन दरबार मलमा रहेको आइएमएस लिटल स्माइल्स स्टोरबाट डेबिट तथा क्रेडिट कार्ड प्रयोग गरी ड्रोन, गिम्बल, ह्युमिडिफायर, पावर बैंक, बेबी प्रोडक्टस् आदि खरिद गर्दा ५ प्रतिशत छुट प्राप्त गर्न सक्ने छन्।
साथै क्रेडिट कार्ड प्रयोगकर्ताहरुलाई १८ महिनासम्मको मासिक किस्ताबन्दी (इएमआई) सेवा पनि उपलब्ध छ।
उक्त सम्झौतापत्रमा बैंकका तर्फबाट डिजिटल बैंकिङ्ग विभागका प्रमुख विक्रम श्रेष्ठ र आइएमएस ग्रुपका तर्फबाट अध्यक्ष तथा निर्देशक डिकेस मल्होत्राले हस्ताक्षर गरे।