साताको पहिलो कारोबार दिन अर्थात् आइतबार नेप्से परिसूचक ५.८८ अंकले बढेको छ।
गत मंगलबारदेखि बढेको सेयर बजारले मंगलबार पनि निरन्तरता पाएको हो।
यस दिन नेप्से ०.३१ प्रतिशतले बढेर १८८३.२० बिन्दुमा पुगेको छ।
आइतबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
गत कारोबार दिन १ अर्ब ४७ करोड ४७ लाख ६५ हजार ३८८ रुपैयाँको सेयर कारोबार भएकोमा यस दिन उक्त रकम बढेर १ अर्ब ६० करोड ४ लाख ९२ हजार ७३१ रुपैयाँ पुगेको छ।
यस दिन २७३ वटा धितोपत्रको ४८ लाख २८ हजार ७७६ कित्ता सेयर किनबेच भएको हो।
आइतबार राष्ट्रिय बीमा कम्पनीको सेयर मूल्यमा सकारात्मक सर्किट लागेको छ।
यस दिन उक्त कम्पनीको सेयर मूल्य १० प्रतिशतले बढेर प्रतिकित्ता मूल्य १४ हजार १०७ रुपैयाँ ५० पैसा छ।
यस्तै, आत्मनिर्भर लघुवित्तको सेयर मूल्य ९.९९ प्रतिशतले बढेर प्रतिकित्ता मूल्य एक हजार १२९ रुपैयाँ ३० पैसा पुगेको छ।
यसैगरी, आदर्श लघुवित्तको सेयर मूल्य ६.५६ प्रतिशतले घटेर प्रतिकित्ता मूल्य एक हजार २१० रुपैयाँ पुगेको छ।
त्यस्तै, ग्लोबल आइएमइ ब्यालेन्सड् फण्ड–१ को इकाइ मूल्य ५.१८ प्रतिशतले घटेर प्रति इकाइ मूल्य ८ रुपैयाँ ५ पैसामा सीमित रहेको छ।
आइतबार शिवम् सिमेन्टको सर्वाधिक कारोबार भएको छ।
उक्त कम्पनीको प्रतिकित्ता ४०९ रुपैयाँमा ६ करोड १७ लाख बराबरको सेयर कारोबार भएको हो।
यो मूल्य अघिल्लो दिनको तुलनामा १.९ प्रतिशत घटेको हो।
सर्वाधिक सेयर खरिद–बिक्री हुने दोस्रो सूचीमा राष्ट्रिय बीमा कम्पनी रहेको छ। उक्त कम्पनीको १४ हजार १०७ रुपैयाँ ५० पैसामा ५ करोड २८ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये विकास बैंक, वित्त, जलविद्युत र उत्पादन तथा प्रशोधन समूहको परिसूचक घटेको छ भने बाँकी सबै समूहको परिसूचक बढेको हो।
यस दिन निर्जीवन बीमा समूहको परिसूचक सर्वाधिक २.८० प्रतिशतले बढेको छ।
-copy-1745411477.jpg)
-1746009348.jpg)
