नेपाल नेपाल हर्ब्स तथा हर्बल उत्पादक संघ (नेहपा)को अध्यक्षमा सरस्वती राई निर्वाचित भएकी छिन्।
काठमाडौंमा सम्पन्न संघको १८ औं वार्षिक साधारण सभाले राईलाई अध्यक्ष पदमा सर्वसम्मत निर्वाचित गरेको हो।
उनी नेपाली कागजका विभिन्न सामग्री र जडिबुटीका सुगन्धित तेल लगायतका सामग्री निर्यात गर्दै आएको हिमालयन बायो ट्रेड प्रा.लिका प्रबन्ध निर्देशक हुन्।
त्यसैगरी महासचिवमा प्रविणकुमार बास्तोला चयन भएका छन्। त्यस्तै संघको नयाँ कार्यसमितिमा हिमालय हर्ब्सकी लैकु लामा वरिष्ठ उपाध्यक्ष, अन्नपूर्ण एरोमा कम्पनी प्रालिका प्रसुन सत्याल प्रथम उपाध्यक्ष, कन्हैया स्टोर्सका नवराज शर्मा द्वितीय उपाध्यक्ष, जयकाली जुडिबुटीका शोभाकान्त बस्याल सचिव र खाम्पा ट्रेड एण्ड सप्लायर्सका सकलसिंह रोकाया कोषाध्यक्ष रहेका छन्।
त्यसैगरी मिनाकुमारी लामा, डा. डिबी सुनार, सञ्जीव पाण्डे, बसन्त पण्डित, राधा दाहाल, गंगा वाग्ले दाहाल, बिन्ती गुरुङ, निखिल खण्डेलवाला, फर्सुराम आचार्य सदस्यमा चयन भएका छन्।
