इस्तानबुलबाट–काठमाडौं आएको टर्किस एयरलाइन्स अवतरणका क्रममा मुख्य पांग्रामा अचानक आगो देखिएको त्रिभुवन अन्तर्राष्ट्रिय विमानस्थलका निमित्त महाप्रबन्धक टेकनाथ सिटौलाले जानकारी दिए।
उनले विमानको पांग्रामा आगो लाग्नुको कारणबारे अध्ययन भइरहेको जानकारी दिए।
सोमबार बिहान ६ः३६ बजे इस्तानबुलबाट काठमाडौं आएको टर्किस एयरलाइन्सको टिके–७२६ कल साइन भएको जहाजको चक्कामा आगो देखिएको थियो।
आगो देखिनासाथ दमकल प्रयोग गरेर नियन्त्रणमा लिएको उनले बताए। जहाजमा २७७ यात्रु सवार थिए। उनीहरूलाई आपतकालीन ढोका प्रयोग गरेर उद्धार गरिएको थियो।
जहाज अहिले धावनमार्गमै छ। जसका कारण धावनमार्ग प्रभावित भएको छ।
अहिले कुनै पनि अन्तर्राष्ट्रिय उडान भएको छैन।
