काठमाडौंको बाँसबारीस्थित धापासी मार्गमा बहुउद्देश्यीय इभेन्ट 'भेन्यू रामालय' सञ्चालनमा आएको छ।
भेन्यूमा स्टेजसम्मै चारपांग्रे गाडी, मोटरसाइकल तथा अन्य हलुका सवारीसाधन पुर्याएर सार्वजनिक प्रदर्शन र लञ्चिङ गर्न मिल्ने व्यवस्था भएको होटेल व्यवस्थापकले जानकारी गराएको छन्।
रामालय ३३ हजार वर्गफिट क्षेत्रफलमा फैलिएको, मुख्य हल ८ हजार वर्गफिट र आउटडोर स्पेस ९ हजार वर्गफिटको रहेको जानकारी गराइएको छ।
एकै पटक २ हजार जनासम्म सहभागी हुने कार्यक्रम गर्न सकिने उल्लेख छ।
भेन्यूमा एलइडी सिलिङ, इन्टेलिजेन्ट तथा हाइड्रोलिक लाइटिङ, व्यावसायिक साउण्ड सिस्टम, समायोजन गर्न मिल्ने स्टेज, बार, चेन्जिङ रुम, अपाङ्गतामैत्री संरचना र स्वचालित मुड सेटिङ जोन रहेको व्यवस्थापकले जनाएको छ।
सञ्चालक खुश्बु ओझाका अनुसार कर्पोरेट कार्यक्रम, अन्तर्राष्ट्रिय सम्मेलन, सेमिनार, उत्पादन लञ्च, कन्सर्ट, फेसन शो, चलचित्र प्रिमियर र डेस्टिनेसन वेडिङलाई लक्षित गरेर रामालय सञ्चालनमा ल्याइएको हो।
उनका अनुसार नेपालका अधिकांश ब्यांक्वेट हलमा नभएको स्टेज–एक्सेस सुविधा रामालयमा उपलब्ध छ।
भेन्यूमा आपतकालीन अवस्थालाई ध्यानमा राखेर छुट्टै निकासको व्यवस्था गरिएको छ।
३० सेकेन्डदेखि १ मिनेटभित्र अतिथिलाई बाहिर निकाल्न सकिने गरी संरचना तयार गरिएको सञ्चालकको भनाइ छ।
रामालयको कन्सेप्ट, डिजाइन र निर्माण आरजी क्रिएसन्सले गरेको हो।
