अमेरिका र नेपाल बीच एक मैत्री पुलको रूपमा सन् १९६७ मा स्थापना गरिएको अमेरिका नेपाल सोसाईटी (एएनएस) ले आफ्नो ५० वर्ष पुरा गरेको अवसरमा स्वर्ण जयन्ती मनाएको छ।
गत मे २८ तारिखका दिन भर्जिनियास्थित सेन्ट्रभिलमा आयोजित उक्त स्वर्ण जयन्ती समारोहमा नेपाली कला र संकृति झल्काउने गीत, संगीत,नॉच गान, फोटो र चित्र कला प्रदर्शनी जस्ता कार्यक्रमहरूको आयोजना गरिएको थियो।
अमेरिकाले हरेक वर्ष मे महिनालाई एशियन प्यासिफिक अमेरिकन हेरिटेज महिनाको रुपमा मनाउने गर् । यसै अवसर पारेर आफ्नो स्वर्ण जयन्तीमा एएनएसले गत वर्ष झै यस वर्ष पनि नेपाली भाषा, कला र संकृति झल्काउने कार्यक्रमहरू प्रदर्शन गरी हेरिटेज नेपाल फेष्टिवललाई निरन्तरता दिएको हो।
प्रायः नेपालीभाषीले आयोजना गर्ने कार्यक्रमहरुमा दोश्रो पुस्ताका युवाहरुको सहभागिता कम देखिएकोले उनीहरुको व्यापक सहभागितामा हेरिटेज नेपाल उत्सव मनाइ स्थानीय प्रतिभाशाली युवाहरुलाई प्रोत्साहन गर्न लागिएको कुरा एएनएसले जानकारी गराएको छ। एएनएसले दिएको जानकारी अनुसार यस कार्यक्रममा 'सान' नामक सामाजिक संस्थाको अगुवाई र स्थानीय संस्थाहरूको सहभागितामा रक्तदान कार्यक्रम आयोजना गरियो भने स्थानीय फ्युजन व्यान्डले सांकृतिक गिती कार्यक्रम प्रस्तुत गरेको थियो।
