नेपाल राष्ट्र बैंकका पूर्वगभर्नर डा. चिरञ्जीवी नेपालले नेपाल राष्ट्र बैंकमा जागिर पाउनका लागि कुनै पनि खालको भनसुन नलाग्ने बताएका छन्।
उडान शैक्षिक केन्द्रले शनिबार काठमाडौंमा आयोजना गरेको एक कार्यक्रममा बोल्दै नेपालले क्षमता हुनेले मात्रै नेपाल राष्ट्र बैंकमा जागिर पाउन सक्ने बताएका हुन्।
राष्ट्रपतिका आर्थिक सल्लाहकार समेत रहेका नेपालले आफू गभर्नर हुँदा कसैले पनि भनसुनमार्फत जागिर नखाएको बताए। आफ्नो क्षमता आफैंले उजागर गर्न सके विद्यार्थीहरुले नेपालको कुनै पनि क्षेत्रमा जागिर पाउन अप्ठ्यारो नरहेको उनको भनाइ छ।
'तपाईहरुले सोधे हुन्छ–राष्ट्र बैंकमा सोर्स लाग्दैन। त्यहाँ मजाले आफ्नो क्षमताले जागिर खाने हो। तल्लो तहदेखि माथिल्लो तहसम्म जागिर जान सोर्स चाहिँदैन। क्षमतालाई आफैंले उजागर गर्ने हो,’ उनले भने।
पूर्वगभर्नर नेपालले नेपालमा नपढ्नेहरूलाई व्यापार गर् भनेर बाबुआमाले लगानी गरिदिने चलन राम्रो नभएको बताए। ‘व्यापार गर्न त झन् धेरै पढ्नुपर्छ,’ उनले भने।
नेपालले माध्यामिक शिक्षा सकिएपछि २ वर्ष कडा मेहनतका साथ अध्ययनको काम अघि बढाउने विद्यार्थीहरुको भविष्य नेपालमा राम्रो रहेको बताए।
--1715160207.JPG)
