बाबुराम भट्टराई नेतृत्वको नेपाल समाजवादी पार्टीले चितवन-२ र तनहुँ-१ मा कांग्रेस उम्मेदवारलाई समर्थन गर्ने भएको छ।
मंगलबार बसेको केन्द्रीय कार्यकारिणी समितिको बैठक उक्त निर्णय गरेको हो।
यसअघि कांग्रेस सभापति शेरबहादुर देउवाले गठबन्धनका उम्मेदवारलाई विजयी बनाउनको लागि सहयोग गर्न उनलाई पत्राचार गरेका थिए।
‘सोही पत्रमाथि गम्भीर छलफल गरी आगामी वैशाख १० गते हुने उपनिर्वाचनमा चितवन-२ र तनहुँ-१ मा नेपाली कांग्रेसका उम्मदेवारलाई समर्थन गर्ने निर्णय गरेको छ’, पार्टीले जारी गरेको विज्ञप्तिमा भनिएको छ।
कांग्रेसले चितवन- २ मा जीतनारायण श्रेष्ठ र तनहुँ- १ मा गोविन्द भट्टराईलाई उम्मेदवार बनाएको छ। उपनिर्वाचन यही वैशाख १० गते हुँदैछ।
