नेकपा एमालेका नेता महेश वस्नेतले नक्कली शरणार्थी बनाएर अमेरिका पठाउने प्रकरणमा मुछिएका सबैलाई कारबाही गर्नु उचित रहेको बताएका छन्।
बुधबार सामाजिक सञ्जालमार्फत नेता बस्नेतले यस्ता प्रकरणमा मुछिएकालाई कारबाही गर्न सबै दल एक हुनुपर्ने समेत बताएका छन्।
बस्नेतले नक्कली शरणार्थी प्रकरणमात्र नभई नक्कली लडाकू, बालुवाटार, वाइडबडी लगायत सबै प्रकरणमा मुछिएका दोषीलाई कारबाही गर्नुपर्ने उल्लेख गरेका छन्।
‘नक्कली भुटानी शरणार्थी प्रकरणमा संलग्न सबैलाई कारबाही गर्ने कुरा उचित छ। नक्कली लडाकू, बालुवाटार, वाइडबडी लगायत सबै दोषीलाई कारबाही गर्न दलहरू एक हुनुपर्छ,’ बस्नेतले सामाजिक सञ्जालमा लेखेका छन्, ‘एमाले, कांग्रेस जुनसुकै आडमा लागेका भएपनि सबै दोषीलाई कारबाही गर्नुपर्छ।'
नक्कली शरणार्थी बनाएर अमेरिका पठाउने प्रकरणमा आज एमाले उपाध्यक्ष रामबहादुर थापा बादलका छोरा प्रतिक थापा एमालेकै सचिव टोपबहादुर रायमाझी र उनका छाेरा सन्दीप रायमाझीविरूद्ध पक्राउ पुर्जी जारी भएको छ।