प्रधानमन्त्री पुष्पकमल दाहाल प्रचण्डले शान्ति प्रक्रिया र संक्रमणकालीन न्यायको विषय विस्तृत शान्ति सम्झौताको भावना र मर्म अनुसार नै टुंगो लाग्ने बताएका छन्।
बिहीबार प्रतिनिधि सभा बैठकमा सांसद पूर्णबहादुर घर्तीले शान्तिप्रक्रियाका बाँकी काम टुंगोमा पुर्याउन सरकारले गरेको प्रयास र चुनौतीबारे प्रश्न गरेका थिए।
जवाफमा प्रधानमन्त्री प्रचण्डले सत्यनिरूपण तथा मेलमिलाप आयोग र बेपत्ता छानविन आयोगसम्बन्धी विधेयक संसोधनको क्रममा रहेको र दलहरूबीच करिब सहमति जुटिसकेको बताए।
‘धेरै मेहनत गरेर विधेयक विचाराधिन विधेयकलाई राजनीतिक सहमतिको प्रयासहित प्रमुख राजनीतिक दलहरूबीच समझदारी सहमतिबाट टुंग्याउने सहमति भएको छ,' प्रधानमन्त्रीले भने।
प्रधानमन्त्री पुष्पकमल दाहाल ‘प्रचण्ड’ले संक्रमणकालीन न्यायको विषयलाई टुङ्गोमा पुर्याउन दलहरूबाट सहयोगको अपेक्षा पनि गरेका छन्।
