कपिलवस्तुको शुद्धोधन गाउँपालिका वडा नम्बर १ को अध्यक्षमा नेकपा (एमाले) का मोहम्मद ताहिर मुसलमान विजयी भएका छन्। मुसलमानले एक हजार एक सय ५० मत प्राप्त गरेको निर्वाचन आयोगले जनाएको छ।
आयोगका अनुसार उनका निकटतम प्रतिद्वन्द्वी नेपाली कांग्रेसका दिनेशकुमार यादवले एक हजार ७६ मत प्राप्त गरे।
तेस्रो भएका जनमत पार्टीका सीताराम पटेल कुर्मीले चार सय २३ पाएका छन्।
यसअघि २०७९ को स्थानीय तह निर्वाचनमा उक्त वडा नेपाली कांग्रेसले जितेको थियो। नेपाली कांग्रेसका तिलकराम यादवले १०३२ मत पाएर बिजयी हुँदा एमालेका अब्दुल मोजिव खाँले ८८९ पाएका थिए।
